قصة الجن يدلاون في ولاية البيض

 قصة الجن يدلاون 🇩🇿🛑

هذي صرات في ولاية فالبيض في وحد القرية صغيرة ناسها معروفين فالجود و الكرم ❤
هذي الحكاية تقول بلي كاين جن وسمو يدلاون ، يجي على شكل طفل صغير و يدير روحو طايح في كاش طريق في غابة و مجروح
وحد نهار يجي هذا امين يلعب فالغابة كيما كل يوم عشية وقت العصر يطلع للغابة يلعب و يشوف الشمس تغيب جا الوقت لي يهبط لدارهم ، ايا يتمشى و يضحك و يغني حتى لقى " هذا الجن يدلاون " طايح فالطريق و مجروح و يعيط ايا هذا امين سمع الصوت تاع "يدلاون" راح يشوف واش كاين بعد ما وصل شاف الجن على هيئة طفل صغير يبكي و مجروح امين على نيتو راح عند يدلاون سكتو و لقا فيه الدم قالو تروح معايا لدار تاعنا مهيش بعيدة على هنا نغسلو الدم و نشوفو واش بيك
الجن هذا يدلاون راح معاه لدار امين بعد ما لحق لدارهم يماه غسلت للجني الدم و دارتلو الدواء باش لجراح هاذو يتلموا
بعد ما كملولو الدواء و كلشي ما يلزم
سقساوه هوا منين وعلاش صرالوا هاكا و الاجابة تاع يدلاون كانت انو يسكن فالقرية الى حذاهم على بعد 4 كلم و انو جا يمشي و لقاولو بعض الكلاب المسعورة دارولو هاكا
الام تاع امين شافت انو الوقت كان المغرب و ناس بكري يقلك المغرب ضيق ايا قاتلو ريح تبات و غدوة ان شاء الله مع الصباح امين يروح يشوفلك الطريق لي تخرجك فالقرية تاعك و طبعا الرد تاعو كان يقعد يبات و هذاك واش كان باغي
لحق الليل بعد العشاء فرشتلهم الام تاع امين فالصالون ايا بعد اذان العشاء مباشرة تحول يدلاون الى فتاة عشرينية شابة بزاف امين سمع بعض الاصوات دار لقى يدلاون بدا يهدر هدرة مهيش مفهومة و انو بدا يتحول لفتاة امين كي شاف الموقف ما قدرش يأمن من الصدمة و الحالة لي شافها و كان فيها ما نجمش يهدر ولا يعيط لوالديه
يدلاون كي كمل التحويل تاعو بدا ينومن في امين و بدا مهلوس و معرفش روحو واش كان يدير ولا يدلاون واش راه يدير
بعد ما نوم امين بشكل غير واعي بدا في ممارسة بعض الافعال الغير اخلاقية و يدير معاك أمور غير لائقة و يقولو بلي كي يمارس معاك الامور الغير لائقة راح تجيب ذرية منه نصفهم جن و النصف الاخر عباد و ماهم ذكور ولا إناث
الاب تاع امين فطن في نص الليل سمع اصوات غريبة تجي من الصالون توسس شعل المصباح اليدوي و لي الاباء تاعنا تقريبا كلهم عندهم شعل المصباح و بدا يقرا فالقران و يدعي انو ما يكون غير الخير بعد ما وصل لصالون فتح لباب و ضرب الضو فالمكان في راقدين فيه امين و الطفل الغريب حتى شاف انو الطفل تحول لطفلة شابة و راكبة فوق امين و تمارس امور غير لائقة معاه و تهدر هدرة غريبة و ماهيش مفهومة
بعد ما شاف الموقف يدلاون اختفى فجأة و رجع رماد و امين مزال راقد في سبات راح الاب لشيخ القرية جارهم حكالو واش شاف
دخل الشيخ نوض امين و قالو حكيلي على يدلاون امين بدا يحكي للشيخ والاب تاعو في نهاية الحديث الشيخ عرف واش يكون هذا يدلاون
واللي هوا جني يخرج فالليلة القمرية الشهرية الدمية الف مرة في ساعةالفلك القائم موازيا مع كوكبة برج العقرب و يدلاون من العالم السفلي الكبير
الشيخ هذاك بدا بالرقي باه امين يقول التعويدة المضادة و يخرج من علاقتو الجديدة مع يدلاون
و الحمد لله في الاخير امين كان سلك من هذيك الحادثة لي كان فيها 🙏